4 persona janë arrestuar nga policia e Tiranës, pasi ishin pjesë e një grupi që shpërndani drogë në shkollat e kryeqytetit.
Sipas policisë në pranga kanë rënë:
Kristjan Karaxhuku, 21 vjeç, banues në Tiranë, si dhe i shpallur në kërkim për veprën ”Mosbindja ndaj urdhërit të punonjësit të policisë së rendit publik”.
Sulltan Rrapi, 20 vjeç, banues në Tiranë.
Ervis Shehu, 19 vjeç, banues në Tiranë , i dënuar më parë për veprën penale “Drejtimi i mjetit në mënyrë të parregullt” , si dhe i shpallur në kërkim për veprën ”Mosbindja ndaj urdhërit të punonjësit të policisë së rendit publik”.
Petrit Ndoci, 44 vjeç, banues në Tiranë, i dënuar më parë për veprat penale “Vjedhja me dhunë” dhe ‘’Heqja e paligjshme e lirisë”
Të katërt këta persona në bashkëpunim me njëri-tjetrin shpërndani drogë në gjimnazet e Tiranës. Në momentin e arrestimit policia u gjeti 20 doza të dyshuara me lëndë narkotike të llojit “ Cannabis Sativa”, e cila ishte gati për t’u shitur. Mbi të 4 të arrestuarit rëndon akuza “prodhimit dhe shitjes së narkotikëve e kryer në bashkëpunim” si dhe “falsifikim dokumentash”
